Main » 2012 » April » 27 » шууд унших эх сурвалжууд
02:25
шууд унших эх сурвалжууд
Бээжинд 1716 онд хэвлэсэн "Арван зүгийн эзэн Гэсэр хааны тууж оршивой” нэрт судрын дижитал хувилбарыг Данийн хааны номын сангийн хэвлэмэл ном гэсэн бүлэг дор байхыг олж үзлээ. Үнэндээ  300 жилийн өмнө хэвлэсэн судар ном нь судалдаг, уншиж чадах хүндээ их зүйлийг өгүүлнэ.


Мөн  Монгол кирилл үсгээр буулгасан Гэсэрийн туужийг интернетээс онлайн  унших боломжтой ч байна.
 
Бас нэгэн эх сурвалж, номын сангийн хэвлэмэл ном гэсэн бүлэг дотор 1800 онд хэвлэгдсэн манж, монгол, хятад хэлний зурагт толь байна. Хоёр зүйлийн толь бичиг нь хоёулаа араасаа эргүүлж эхэлж уншихаар бэлтгэгдсэн байна. Харж харж зургаар нь ганц нэг үг л би хувьдаа таах юм байна. Хоёр зуу гаруй жилийн өмнө хэвлэсэн ном интернетэд онлайн суучихсан, дэлхийн өнцөг булангаас хүмүүс үзэх, унших боломжтой нь сайхан санагдлаа.

 "Их рити хувилгаанд Молом Тойны эхийн ачийг хариулсан тууж бөлгөө”   нэртэй өөр нэгэн судрын холбоосыг хийлээ. Мөн л  домог  уншиж, судалдаг хүнд бол хэрэгтэй зүйлийн нэг байж болно гэж бодлоо.
 
Category: мэдээлэл | Views: 1687 | Added by: admin | Rating: 0.0/0
Total comments: 0
Name *:
Email *:
Code *: